Lleolwyd Coedwig Crychan a Halfway mewn cefn gwlad anhygoel o brydferth rhwng Bannau Brycheiniog a'r Mynyddoedd Cambriaidd. Yma mae milltiroedd o lwybrau cyfeirbwyntiedig yn rhedeg trwy ceunentydd tawel, dros hen ffyrdd y porthmyn ac heibio rhaeadrau teg. Mae na olygfeydd arddunol o fynyddoedd canolbarth Cymru.

Mae'r Goedwig wedi’i leoli’n berffaith ger yr adwy i’r Mynyddoedd Cambriaidd, ar ffin parc Cenedlaethol Bannau Brycheiniog. Ceir yno gwahaniaethau o goed o’r derw brodorol, ynn, ffawydd a’r cyll y goedwig hynafol wreiddiol, i’r conwydd mewnforiedig, sydd â’u prydferthwch eu hunain. Yn ddibynnol ar y tymor, mae’r lliwiau’n amrywio o gwyn gaeafol yr eirlysiau, arlliwiau melyn y cennin pedr a’r eithin, i’r olygfa ysblennydd o arlliwiau glas sydd wedi ei greu o filoedd o glychau’r gog, a’r ambr euraidd deiliant yr hydref.

Ceir milltiroedd o’r llwybrau cyfeirbwyntiedig sydd â golygfeydd syfrdanol yma, ar ffyrdd goedwig, sydd yn cael eu croesu fan hyn a fan draw gan hen lwybrau a ffyrdd porthmyn ac felly’n darparu amgylchedd diogel i farchogaeth, beicio a cherdded. Ers talwm fe ddefnyddwyd y ffyrdd i fynd a da byw drwy mynyddoedd gwyllt gorllewin Cymru ar y ffordd i Marchnad Smithfield yn Llundain. Fe ddilyn llwybrau ceffylau yr hen draciau tra fod y llwybrau beicio yn dilyn graddiant amrywiol ffyrdd y goedwig. Mae’r llwybrau i gyd yn agored i gerddwyr.

Efallai os fyddwch yn lwcus fe ddewch ar draws amrywiaeth o fywyd gwyllt, gan gynnwys barcutiaid coch, bodaod y mêl, gosogion, a llawer mwy o adar ac anifeiliaid ar y llwybrau yma sydd yn rhedeg dros y bryniau a drwy’r dyffrynnoedd coediog. Dichon y dewch ar draws adfeilion un o’r hen ffermdai wedi’u gorchuddio â iorwg a oedd ers talwm yn britho’r ardal.

Mae yna bedwar safle derbynnydd ym Mhrynffo, Esgair Fwyog, Cefn Farm a Halfway, sydd â digon o le i barcio ceir a faniau ceffylau, gyda byrddau picnic, mannau corlannu a physt clymu ceffylau.

Ffordd Epynt: gallwch fynd mewn i Ffordd Epynt drwy dri lleoliad o lwybrau cyfeirbwyntio Coedwigoedd Crychan a Halfway. Mae hyn yn rhoi fwy o gyfle i archwilio’r ardal, mae tir agored y maes tanio milwrol yn darparu cyferbyniad i’r amgylchedd coedwigo. Ymwelwch â www.defence-estates.mod.uk/epyntway/